Gústenos ou non, o amor sempre foi tema de inspiración para os creadores. O cine non ía ser menos e, desde os anos 50 ata o século XXI a sétima arte regalounos algunhas das mellores frases románticas. Entre suspiro e suspiro, anímaste a adiviñar a peli?
- Crucei océanos de tempo para te atopar. Impresionante e eterna declaración de amor, sobre todo se vén do mesmo príncipe das tebras.
- Só son unha moza, de pé fronte a un mozo, pedíndolle que a queira. Ela é unha rutilante estrela de cine, el un libreiro tímido e tirando a torpe. Xuntos regaláronnos unha das escenas máis emocionantes do cine romántico.
- Para min, ti es perfecta. Anos logo de escribir esta breve, clara e concisa -e por que non dicilo, pouco apropiada- confesión, Andrew Lincoln converteríase nun dos máis famosos superviventes do apocalipse zombie. Pero iso é outra historia.
- Non deixarei que te acantoen. A frase mellora moitos enteiros cando quen a pronuncia é un Patrick Swayze enfundado nunha cazadora de coiro negro.
- O mundo se desmorona e nós namorámonos. Todo o drama e toda a paixón dunha obra mestra do cine resumida nunha frase. Dimo outra vez, Rick.
- Prefiro compartir unha soa vida contigo que enfrontar todas as idades deste mundo soa. A vida era con Viggo Mortensen. Entendémoste, Arwen.
- Que se queres macarróns. A fórmula millenial de preguntar se queres tema. Ela dixo si, claro.
