Un establecemento con artigos para gozar do aire libre estrea a Pop Up de Marineda
Fai uns meses falabámosvos da nova Pop Up de Marineda City, un espazo singular e totalmente acondicionado grazas ao cal emprendedores, deseñadores e artesáns poden dar a coñecer a súa marca ou proxecto no centro comercial máis grande de Galicia. Pois ben, hoxe estamos encantados de contarvos que a tenda efémera de Marineda ¡xa ten o seu primeiro inquilino!
Trátase de Carrycool, un proxecto ideado e patentado por Ana Botas e que ten como obxectivo ofrecer aos amantes da vida ao aire libre o produto perfecto para saír ao campo ou á praia con todo o necesario para un día de excursión perfecto: así, a parte superior consiste nunha mochila de gran tamaño onde transportar toallas, pezas ou xoguetes e unha parte inferior cunha bolsa térmica con capacidade para preservar frescos todo tipo de alimentos, refrescos e bebidas, todo iso montado sobre unha estrutura de aluminio resistente á intemperie e a salitre e con rodas lixeiras e anchas para facilitar a rodadura nos terreos máis irregulares.
E para que o voso día de praia sexa redondo, neste novo establecemento poderedes adquirir unha práctica toalla-hamaca deseñada por Origama: formada por unha toalla cento por cento algodón e dúas estacas de madeira de piñeiro, o seu orixinal deseño permitirache gozar dun libro, escoitar música ou botar unha pracenteira sesta ao sol sen necesidade de cargar cunha cadeira.
Tamén atoparedes todo tipo de produtos pensados para gozar do bo tempo e a vida ao aire libre, todos eles creados e deseñados por emprendedores locais, deseñadores e artesáns. Entre a oferta deste novo establecemento, que estará na Pop Up de Marineda (planta 1, xunto a Primark) ata o próximo 31 de xuño, atoparedes as camisetas pintadas a man de Esmek, os capazos artesanales de Whitte Lily, os colares de Nosvadeperlas e as figuras decorativas de Cuatro Pececitos, elaboradas con elementos reciclados e atopados no mar.
Francisco, colaborador de Carrycool, explica que a Pop Up de Marineda supón “unha gran oportunidade para dar a coñecer un novo produto, xa que aporta unha gran visibilidade e permíteche instalarte sen un investimento inicial, ademais de controlar en todo momento o gasto que vas ter”. E é que esta iniciativa, pensada para apoiar a novos empresarios, pemes e novos creadores ofréceche a posibilidade de te establecer nun espazo totalmente acondicionado, flexible e adaptable con todos os subministracións necesarios para o día a día, incluíndo conexión a Internet e WiFI propio.
Desde o equipo de Marineda City queremos darlle a benvida aos nosos novos veciños e desexarlles moita sorte nesta nova aventura.
E recorda, se ti tamén tes un produto, un proxecto ou unha idea empresarial e queres mostralo aos nosos máis de 16 millóns de visitantes anuais, ponte en contacto connosco a través do correo electrónico [email protected] ou o teléfono 881 888 888.
Queres saber máis sobre a Pop Up de Marineda City? Descárga o noso dossier aquí.
